市場徐想：金活醫藥具銷售優勢
近排留意咗隻業務獨特嘅股份金活醫藥（01110），屬於醫藥行業。集團嘅分銷網絡都好巴閉，已經覆蓋咗差唔多所有中國地區，只係未去到新疆維吾爾自治區同西藏自治區。依家集團嘅分銷網絡包括190間分銷實力強勁嘅分銷商、400間子分銷商、同埋超過17,000家重點管理嘅零售門店；夾夾埋埋有成萬幾間店幫佢賣嘢，當中大部分零售店都會設立「金活健康之家」產品嘅專櫃，用呢種方式推廣集團嘅產品。
公司好強調自己嘅分銷網路，呢幾年都不斷出力喺營銷方面，包括鞏固自身分銷網絡嘅競爭地位。集團呢幾年目標清晰，將中國市場劃分為三個分區，三個分區進一步細分34個地區。另公司亦引入「精細化管理」模式，確保所有行銷人員可以有個一致嘅目標。
集團呢幾年盈利不斷增長，一○年度盈利升逾一成，市盈率十五倍半左右，息率都有2.2厘！繼續追蹤、出發！