魚缸Blogger:中國稀土短線動力強
希臘通過財政緊縮方案,暫時令缸邊友鬆一口氣,但港股尋日喺高位開始搖搖欲墜,一度失守10日線,係近一個月以來首次,刻下不妨趁高酌量減磅,隨機應變。
國家副主席習近平尋日起訪美,並於今日同奧巴馬會面,表面上呢次情人節之會十分平常,但尋日就有聰明錢憧憬兩國領導人會就稀土、匯率等問題進行討論,炒起隻中國稀土(00769)。事實上,十二月結嘅中國稀土,舊年上半年純利飆升四倍至3.11億元,就算下半年業績持平,全年表現亦非常靚仔,且圖表上尋日亦創逾四個半月高位,有走勢、有業績、有炒作嘅中國稀土,短線上衝力自然不容忽視,首站阻力睇2.4元,支持兩蚊。
中國稀土(00769)
阻力位:2.4元
支持位:2.0元