市場徐想：青蛙王子具市場優勢
近呢幾年，內地同胞都經常到香港掃奶粉，想當然，父母使錢落仔女身上當然唔會孤寒，睇番各大補習班、奶粉、英文班、興趣班嘅生意蒸蒸日上，Prof.J自必然會留意一下有關兒童業務嘅公司。
青蛙王子（01259）係內地比較大型嘅兒童護理產品品牌，主要喺內地銷售自有品牌嘅兒童護理產品，大有「中國P&G」之勢！集團嘅產品包括護膚產品、沐浴洗髮產品等等，另外亦有嬰兒護理產品、家庭衞生產品、成人護理產品同埋OEM產品。於一○年，集團的青蛙王子品牌是內地領先的兒童護理產品品牌，按零售額計算，於護膚產品、沐浴洗髮產品及口腔護理產品市場均擁有最大份額。
集團產品獲內地消費者支持，潛力當然與別不同，另外，集團成立特別專案小組，不斷加強產品質素同安全，尤其喺監管日益嚴格嘅兒童產品市場，呢點尤其重要。睇番數據，集團近幾年盈利增長唔錯，一二年預期市盈率僅為6.4倍。