魚缸Blogger：龍工吸引力勝同業
環球央行聯手救市，港股尋日隨外圍爆升5.6%，成交急漲至973億元，升市成交大增，後市有力挑戰100日線19,580點水平。
大升市禾雀亂飛，內地工程機械製造商中國龍工（03339）尋日股價亦有逾11%進帳，集團除咗受惠「十二五」機械工程設備規劃外，阿爺前晚發出放水訊號亦暫時消除內地基建鐵路投資或減慢嘅疑慮，加上保障房開工率高企，相信有利帶動龍工旗下挖掘機、裝載機同路面機械等銷售。
龍工市盈率僅六倍，遠遠平過業務近似嘅中聯重科（01157）約十倍同三一國際（00631）嘅二十九倍，眼見大市有望轉勢，龍工首站阻力位可睇3.2元。
中國龍工（03339）
阻力位：3.2元
支持位：2.6元