魚缸Blogger:國美電器未宜估底
尋日港股低開後愈跌愈有,直奔16,700點水平先喘定,就算係地上最強嘅中移(00941)都要跌逾2%,十月第一個交易日空軍大獲全勝,依家撈貨仲未係時候。
國美電器(00493)自股東爭拗告一段落加上中期業績理想帶動,八月中股價曾高見3.84元,但好景不常,內地家電下鄉政策逐步取消,對於家電下鄉產品佔營業額相當大比重嘅國美自然不利,加上集團最近喺七日內先宣布後撤回投資物業合營企業嘅決定,令人懷疑管理層營運同管理嘅能力。
雖然國美股價喺個半月內無咗六成,但鑑於基本因素轉差,暫時無謂估底,短線反彈阻力喺1.9元。
國美電器(00493)
阻力位:1.9元
支持位:1.4元