魚缸Blogger：利邦男裝股首選
股神出手回購股份，加上熱炒歐洲救市，港股尋日報復性反彈，重返萬八關，技術上正醞釀島形底，但德國聽日將會就加碼EFSF作表決，究竟會否再慷他人之慨，為希債包底？如遭否決，恒指眼前大好嘅技術形態隨時會成為另一個走勢陷阱！
受大市下滑、板塊高估值拖累，高檔男裝股利邦（00891）股價近兩個月內已經唔見咗近35%，然而，祖國內需市場前景依舊秀麗，而利邦今年上半年毛利率亦跑贏同業，高達80.8%。更重要嘅係，就連英國威廉王子早前大婚之日，都着住利邦旗下品牌嘅禮服，產品嘅宣傳效果已勝過廣告上嘅千言萬語，所以利邦實為男裝股嘅首選。
利邦尋日絕地反擊爆升逾一成，尋底走勢略為紓緩，上面阻力喺7蚊，6.1元就未宜有失。
利邦（00891）
阻力位：7.0元
支持位：6.1元