太子手記:經紀反改革行動升級

港交所(00388)行政總裁李小加近日因提出多項金融市場改革,以致同經紀關係有點緊張,佢前日就坦言,「不是誰的聲音大就贏,光說反對、不喜歡改革係唔足夠,要有道理。」佢呢番言論,令一向激進、批評港交所最激、最嚴厲嘅證券及期貨專業總會會長王國安即時有反應話:「公道自在人心!」

憂對沖基金有機可乘

王國安話自己係講道理,唔係意氣用事,對於港交所改革建議,佢話自己唔係只顧住經紀利益,佢係擔心金融安全,因近年對沖基金紛來港搵食,佢怕推出那些措施,更容易令對沖基金有機可乘,舞高弄低。佢仲話,金融海嘯後,歐美監管機構紛紛收緊金融政策,佢好希望港交所分清楚改革及金融安全嘅先後次序。

李小加下周三會同七大經紀團體「鴻門夜宴」,不過王國安就會「先發制人」,擬於下周三發動向港交所請願抗議。佢話唔會理會有幾多人參與,總之願意嚟嘅就嚟!

跨媒體地產網新居入伙 幾萬個精選樓盤 歡迎睇樓!

「Money18免費即秒股票報價網站」現推出8升級功能,財經資訊,實時實發!

王國安希望港交所的改革是經過深思熟慮。(資料圖片)