花旗 友邦拍住搵銀

依家銀行同強積金供應商合作愈來愈緊密,不過,搵拍檔都要理念相近,大家有偈傾先可以合作愉快。尋日花旗同友邦退休金就結成策略分銷聯盟,咁啱大家本身都係美資企業,果真係門當戶對。

力拓退休產品

唔通大家「同聲同氣」,所以達成合作?當然無咁簡單啦,花旗環球個人銀行服務行政總裁及總經理盧韋柏就話,佢哋今年會重點強化對「進富一族」嘅服務,而退休保障係重要嘅一環,所以第一次同強積金商合作,就搵咗市佔率排第三嘅友邦退休金,希望提供全面嘅退休產品。

友邦退休金呢?佢哋嘅高級副總裁暨執行董事謝佩蘭講,好着重長遠嘅合作關係,睇得出花旗提供一站式銀行服務嘅誠意,所以今次合作可借助花旗嘅銀行銷售網絡,發揮兩個品牌結合嘅力量,可謂互惠互利。

近五季花旗大力開拓分行,分行數目由25間增加到48間;太子重八到,佢哋下星期將再有分行開幕添。

跨媒體地產網新居入伙 幾萬個精選樓盤 歡迎睇樓!

「Money18免費即秒股票報價網站」現推出8升級功能,財經資訊,實時實發!

花旗盧韋柏(左)稱,會夥同友邦合作推退休產品。右為友邦高級副總裁謝佩蘭。