內銀亂跨區 王岐山鬧爆
中國經濟近幾年不停發展，銀行業肯定係最受惠嘅行業之一。不過，貴為國務院副總理嘅王岐山尋日就突然發火，狠批內地銀行唔應該「一味求大」，仲話銀行嘅錢係向老百姓借番嚟，遲早要還。呢番話如果畀一班內銀老總聽到，唔知會唔會嚇到標冷汗呢？
斥北京銀行染指哈爾濱
佢話依家好多地方銀行走去搞跨區發展，佢仲點名話北京銀行，「我瞌一瞌眼瞓，醒番就唔見咗佢哋。」佢話北京銀行近幾年搞得唔錯，但上年突然間走咗去哈爾濱，又話今年要發展埋上海業務，「唔通咁大個北京仲唔夠你哋做？」
個個都話要大規模發展，整整吓啲小企業貸款無門，隨時會令到內地好多農場執笠喎。