許家印太座 奪徐悲鴻名畫
依家內地人愈來愈有錢，佢哋除咗追求豪宅、名車同名牌之外，對藝術品亦同樣受到歡迎。
丁玉梅鍾情藝術品
前日內地喺東方賓館舉行咗農曆新年之後首場嘅藝術品大型拍賣會，其中一件由已故中國現代繪畫大師徐悲鴻喺藝術鼎盛時期一九四三年創作嘅名畫《平川立馬圖》，拍出全場最高價，達750萬人民幣，投得嘅正係恒大地產（03333）許家印老婆丁玉梅。
原來丁玉梅佢本身就有收集藝術品嘅習慣，呢幅畫由230萬人民幣開始起拍，仲要經一輪激烈競價，就知許太幾情迷啦！
嗰日拍賣會一共拎咗469件中國書畫同埋236件瓷器出嚟拍賣，總成交率達到78%，而總成交嘅金額就達到1.2億人民幣，當中至少有22件作品成交價超過100萬人民幣，話時話，依家內地啲樓價咁貴，當然要有番咁上下嘅藝術品先可以襯得起啦！