市場徐想：瑞聲 基本因素強勁
近年智能手機市場急速增長，最直接受惠嘅除咗係各大手機生產商之外，其他製造相關配件嘅供應商亦可受惠，瑞聲聲學（02018）就係其中之一。
瑞聲嘅市場定位係要成為全球微型聲學器件嘅頂尖技術整體解決方案供應商之一，負責設計、製造同分銷一應俱全嘅高科技電子產品。受惠於唔少公司紛紛推出大受歡迎嘅智能手機同平板電腦，今年第四季電子產品零售市場持續熾熱，有利瑞聲嘅發展。
由於瑞聲聲學受惠包括蘋果、諾基亞同亞馬遜等主要客戶今年末季對零件的強勁需求，有信心第四季銷售可達按季增長10%目標，並創季度盈利同收入新高，同時預計瑞聲一一年首季銷售會達9.87億元人民幣，按年升65%。
睇到瑞聲基本業務依然強勁，大行將佢下年每股盈測升至1.16元人民幣。同時，將六個月目標價升至25.68元，相等於下年預測市盈率十九倍，繼續追蹤先。