太子手記：MetLife派史路比博出位
尋日太子經過大埔，發覺唔少人拿住大大個史路比環保袋。追查之下原來喺大都會人壽（MetLife）派環保袋嘅宣傳活動，聽啲職員講，佢哋上星期已經喺將軍澳派咗4,000個，估唔到今次反應仲熱烈，派咗兩、三個鐘依然有好多人排隊。
街坊排隊攞環保袋
自從MetLife收購咗AIG旗下嘅ALICO後，一躍為全球最大嘅人壽保險公司。太子知道佢哋嘅香港區行政總裁成睿智（Rajesh Sethi）剛喺十月上任，Sethi覺得MetLife規模雖大，但係喺香港嘅知名度就唔夠，計劃透過一連串活動打響公司品牌。
今次活動佢哋都花過心思，派發地點集中喺大型住宅區，冀品牌可打入社區；環保袋上嘅史路比公仔更加珍貴，同史路比商標合作咗逾廿年，MetLife係獨家使用嘅保險公司。
