市場徐想:熔盛具備龍頭優勢
繼續新股IPO,今日睇到隻熔盛(01101),將佢嘅重點同大家分享。
熔盛係中國第二大造船企業,同中國最大民營造船企業,擁有內地最大船廠;截至一○年八月一日,超大型礦砂船定單(按載重噸計)佔全球30萬載重噸以上超大型礦砂船定單總額約25.4%,全球排名第一,係市場領導者。
熔盛亦係少數可以建造海洋工程產品嘅民營公司之一,建築緊嘅第四座乾船塢,係目前獲國家發改委批准用喺海洋工程項目嘅最大型乾船塢,而且已經同中國海洋石油總公司訂立合約,建造具備3,000米鋪管深度嘅深水鋪管起重船;熔盛係唯一一間獲國家發改委批准,建造低速船用柴油發動機嘅民營企業,喺建成後具備全國最大產能;已得到國家發改委批准,建造船用低速柴油發動機,同興建設計年產能為500萬馬力嘅生產設施。