TCL通訊（02618）係一隻筆者有留意嘅股份，全因為佢嘅基本因素唔錯，加上探訪過公司之後，睇到佢哋管理層嘅「雄心壯志」，先至喺呢度提一提筆。

如果大家有留意，陸東啱啱做咗TCL通訊嘅獨立非執董，無非都係要話畀全個世界聽，TCL通訊嘅管治水平又再一次升呢，以陸東今時今日嘅金融界個牌頭，簡直就係信心保證。而喺投資角度嘅講，以陸東嘅經驗、人品、同行內嘅脈絡，都有望提升TCL通訊，加上佢哋全新智能手機又正式登場，筆者都見過，有iPhone嘅Touch Screen（輕觸式螢幕），加上BlackBerry嘅商務功能，裏應外合，都係嗰句，睇吓啦！