太子見到星展好多高層出席開幕儀式，包括主席佘林發（Peter）同執行總裁古普塔，兩位巨頭仲同員工打成一片，親自打鼓為儀式揭幕。Peter好開心咁同太子講，亞洲中心係佢哋嘅策略營運場所重要一環，之後星展超過四成幾嘅同事都會搬嚟呢度返工。佢仲話，星展係台北嘅全新總部，上星期開咗幕。

門口雕塑個個彎腰

新嘅亞洲中心唔單止靚，喺大廈嘅大門口，仲有個大型雕塑，Peter就介紹個雕塑出自中國藝術家高孝午之手，太子就好好奇個個雕塑都係彎晒腰鞠躬，Peter解釋話代表佢哋謙卑嘅服務態度喎，啲雕塑係咪度身訂造嘅呢？