外圍股市表現奇差，港股當然未能獨善其身，恒指昨日跌200點，暫守20,500水平，但外圍股市持續疲弱，志強擔心港股有機會下試2萬關。而二、三線只有個別股仔企得住，大部分都見腳軟，要搵餐晏仔認真唔容易。
華基光電（00155）昨日逆市升2%，較早前公司公布截至今年三月底止，全年虧損9,218萬元。但業績好唔好其實冇乜關係，最重要係前景掂唔掂。
華基今年五月獲廣東廣晟有色金屬認購21.8億股新股，每股作價0.1376元，佔經擴大已發行股本23.34%。呢個新大股東來頭唔嘢小，為總資產值逾500億元人民幣的大型國企，從事有色金屬、電子媒體、電訊及酒店行業的企業投資平台，亦兼營建築及物業發展業務 。
華基引入這名新股東，係為配合中央政府對大、中型城市實行光電建築一體化（BIPV），及對鄉村及偏遠地區的離網項目實施補貼政策，集團計劃透過廣晟集團的網絡，開發內地大規模光電建築一體化項目。現價買入，短線博重返0.22元，跌穿0.192元止蝕。
華基光電（00155） 目標價：0.220元 止蝕價：0.192元