本文重點
尋日港股基本上是被日股牽着鼻子走，周初日本央行擴大量化寬鬆政策力度，意圖遏抑日圓強勢，減低出口商的壓力，結果怎樣，看官清楚可見，日圓續強，日股反彈一瞬即逝，尋日日經指數急跌3.5%，加埋美股技術走勢差劣，恒指終於守唔住上星期於20,550點附近的橫行區，可是，收市僅跌200點，卻又有點令人意外，莫非真係「大淡好尾市」？
九月期指跌351點，收20,320點，低水216點之多，即使考慮除息因素，亦比恒指合理值20,432低水112點之多，是基金經理極度睇淡後市，但現貨市場承接力弱沽無可沽？抑或其他原因？相信要觀察多幾日至有答案。
後市升跌機會均等
恒指10日線處於20,774點，今日應會跌穿50日線20,759點，技術走勢進一步轉弱，而七月中，大市由20,007點起步升至21810點，升幅的0.764為20,433點，這個關口昨日失而復得，後市是繼續尋底抑或調整接近尾聲，收市指數能否企在這重要支持樓上，甚為關鍵。
眼見期指昨早市屢攻20,600點不破，筆者遂把20,520點買落的好倉平掉，平手離場，不過筆者主觀認為，超買已得到修正，現水平後市升跌機會均等，現貨如收低於20,433點，筆者會轉為掉頭試沽，如果收市恒指高於20,774點，則筆者會再以四分一注碼開好倉，實行破位才追。