農行（01288）上星期公布咗上市後首份業績，中期盈利按年大升四成，跑贏另外三大國有內銀，實在可喜可賀。不過，睇真啲農行份業績報告英文版，裏面原來錯漏百出，該行尋日亦急忙發出澄清通告，情況實屬罕見。
幾經比對，發現英文版業績報告存在逾50處紕漏，除咗多處錯登個別數字及用語之外，仲將一整欄一○年嘅中期數據，錯當○九年中期數據。農行公告解釋，英文版和中文版存在差異，係由於排印錯誤。
無礙分析員寫報告
有分析員同太子講，佢哋都發現份英文業績報告有啲唔對路，可幸錯嘅數字唔係最重要嗰啲，所以唔太影響到佢哋寫分析報告。