蘇皇CEO加6.4倍最勁

金融海嘯後，投資者對上市公司高層加薪態度較為敏感，特別係華爾街投行嘅高層，所以有唔少高層自動減薪。今年經濟回暖，有上市公司高層就狂加人工，加幅最多係赫斯德，去年人工只有16.4萬英鎊，今年佢冇花紅，淨係人工就加咗6.4倍，有成122萬英鎊。人工加幅最多嘅第二位係力拓行政總裁艾博年，去年收211萬美元，今年人工連花紅就有903萬美元，加幅達3.2倍。

去年紀勤收咗167萬英鎊，不過有見公司業績唔理想，雖然冇自動減人工，但就將花紅捐畀慈善機構。不過，佢今年嘅收入仍有568萬英鎊，多過去年兩倍。

《獨立報》就話，即使經濟環境好轉，上市公司股東仍反對高層加人工，因為擔心經濟再衰退，影響公司業績，當中馬莎有兩成股東反對給予前首席執行官1,500萬英鎊薪酬。太子相信，股東反對高層加人工嘅事件會陸續有來。