尋日，恒指升222點，報20,487點，期指鮮見地出現高水收市，升325點，報20,535點。其實連日來，一眾利好客觀因素下，港股一早應該轉強，君可見三個月港元拆息，由六月底高位0.57厘，回落三成五去到0.37厘，熱錢有再度流入迹象。

再者，美股恐慌指數VIX前晚去到23.93，已十分接近五月初歐債危機前的20左右水平，港股假如糾纏在20,000點附近，繼續遠離六月反彈浪高位20,957，反而不合理，更令市場對後市無所適從。

中港股市離底不遠

當然，A股轉勢亦幫到港股唔少，近期愈來愈多大孖沙估計，中國股市今浪的「政策底」可能已經出現咗，即使未，由A股市盈率去到十四倍貼近歷史低位，以及人行下半年再開水喉應付出口放緩的機會升溫，中港股市即使未見底，也必離底不遠。

期指已升穿短炒目標20,450，大市也逼近敏感三角形走勢的突破時刻，深信今浪現貨及期指浪頂，應該唔止高於六月的20,957及20,993咁簡單，本周餘下時間，筆者會由純炒即市，轉為逢低揸長倉的策略。