陳南祿上周剛履新

對於「愛將」離開，恒隆地產董事長陳啟宗（Ronnie）昨日就同太子講，Terry加入恒隆接近十年，當然有貢獻，但是人各有志。

市場揣測Terry嘅離開是否因為「一山不能藏二虎」，原因是恒隆搵了陳南祿接替袁偉良做MD，Terry間接失去升職機會，且Terry與陳南祿兩人都與傳媒關係甚佳，陳南祿上周四上任後，Terry會否無用武之地？向來妙語連珠嘅Ronnie笑言，「我哋唔係藝人，做歌星嘅先至要見多啲傳媒，我哋只係做生意嘅啫。」再者，兩人嘅職務不同，陳南祿係MD，乜嘢都要睇；而Terry主要負責租務。

Terry入咗恒隆九年，正所謂「人生有幾多個十年？」加上佢又曾做過腦腫瘤手術，或者係時候放下工作享受人生。