之前佢哋推出嘅平板電腦「iPad」就非常受歡迎，作為祖國嘅電腦一哥，聯想集團（00992）早就睇到呢條水，設計咗一款自有品牌嘅獨家電腦。

與樂Phone深度融合

近日內地媒體報道話，聯想呢款平板電腦將喺年底推出，個名都諗埋，仲同之前推出嘅智能手機「樂Phone」互相呼應添，之唔係「樂pad」囉，內地人可能未必覺「樂pad」有咩問題，講普通話好普通嘅香港人，分分鐘會將「樂pad」，讀成「籮Pat」，你都咪話唔搞笑。

根據聯想高級副總裁、產品集團總裁劉軍話，「樂pad」嘅外觀更似是一部大碼「樂Phone」，聽講「樂pad」會同「樂Phone」喺郵件、網絡瀏覽等方面深度融合。