阿姐嘅「熱咖啡」係上世紀八十年代經典金曲，無人不曉，最近亦有本地上市公司投入咖啡熱潮。華潤創業（00291）日前宣布以3.26億元向其士泛亞（00508）收購Pacific Coffee 80%權益，進軍內地咖啡連鎖店業務，同星巴克死過。
雖然Pacific Coffee去年錄得同店銷售倒退及虧損，但香港發展仍然健康，最重要係華創會全力發展內地市場，加上飲咖啡已經成為一種生活品味，內地咖啡消費市場確係可以容納多過一個「超級巨啡」品牌。
華創在內地超市業務及網絡發展成熟，預期在租務及Pacific Coffee分店選址上將更具優勢。華創過去用十五年將雪花啤酒變成內地第一品牌，超市業務六年就達標，對於新加入的Pacific Coffee成為內地咖啡連鎖店龍頭，相信都係指日可待。