內地唔少富豪想盡辦法好好培育佢哋嘅下一代。所以呢排好興搞富二代培訓班，有啲甚至標榜話有京城四大才子之稱、前人民銀行貨幣政策委員會委員、現任中國經濟體制改革研究基金會秘書長樊綱任教添！但啲培訓費由一萬幾千到66.8萬人仔不等。
除咗樊綱之外，著名文化人于丹亦有份。家陣好多十幾廿歲嘅富二代，每兩個月就要到北京上五日堂。
啲學費貴得咁緊要，究竟學咩呢？教完佢哋做生意同管理等等基本功之後，仲介紹埋啲富豪或者知名企業家畀佢哋認識，等佢哋有渠道可以喺大陸富豪圈子開始人際脈絡同埋做生意。培訓業資深人士估計，目前富二代培訓市場已經有近百億營業額，好好賺，唔少人都想做呢盤生意。