本文重點
恒豐證券董事總經理張華峰間大寶號早前被證監會「將軍」，指公司喺處理內地客戶帳戶時出現內部監控不足，但張華峰依家心情已經平復。身為馬主嘅佢，有隻馬將於下周三（十四日）出賽，如果贏咗，可以沖喜吓！
愛駒下周三出賽
張華峰隻馬個名非常啱聽，尤其係對股民，聽咗之後一定會從個心度笑出嚟。咁佢隻馬究竟叫乜名呢？就係叫做「創新高」了。
唔講唔知，呢個咁啱聽嘅馬名原來係佢嘅愛將、恒豐證券研究部董事林家亨幫佢改嘅。佢哋做股票呢行，當然希望指數日日創新高，股民數量同佣金收入亦一樣創新高。
依家財經界最熱門話題，其中之一肯定係農行（01288）即將上市，咁張華峰有無捧場呢？佢話農行唔使咁心急買，等上咗市之後睇定啲才決定買都未遲。