瑞信何啟聰睇好巴西隊

太子Click入瑞信網站，就發現咗「球王聰」呢個人。睇真啲，瑞信香港認股證及牛熊證銷售主管何啟聰（Ivan）與「球王聰」個樣都幾似喎，咁啱大家個名又有個「聰」字。不過，當太子向Ivan求證時，佢竟然好似娛樂明星上身咁話：「哈哈，我唔回應呢個問題。我只可以講我睇波叻過落場踢波。」至於今屆世界盃嘅王者係邊隊？Ivan就話睇好巴西及阿根廷喎。

另一家輪商荷合都唔執輸，趁尋日世界盃揭開戰幔，喺證券行向客戶派發橙色兼印有荷蘭英文名嘅迷你足球。

荷合股票衍生部認股證市場經理陳佩雯（Fiona）話，荷蘭足球可以令人諗起公司全名，同款足球已經畀佢哋掃晒。