國務院近日發表嘅《中國互聯網狀況》白皮書披露，截至去年底內地網民數目有3.8億，普及率29%，料今後五年將逐步增至45%，即網民人數將達到5.85億。

三網融合締造商機

說也奇怪，過去唔少海外IT公司喺發展內地市場時觸礁，反而中國民間IT企業則快速冒起，並以驚人嘅速度發展，騰訊（00700）就係一個好例子。隨着內地明確要加快發展文化產業，包括文化創意、數字出版、網絡電視、手機電視、手機動漫等新文化產業正逐步形成，唔少本土新媒體企業快速崛起，可謂百花齊放。

三網融合政策明確，加上3G通訊及手機應用嘅發展配合之下，展望未來一、兩年，這些新興產業嘅營運模式將獲得實際盈利數據支持，並會成為投資市場一股新勢力。

講開呢個新興產業，可留意文化中國傳播（01060）。呢隻股現由中國著名電影製作人董平出任公司主席，並以精品影視製作、內地報章媒體廣告代理，以及網絡遊戲與手機無線新媒體為核心業務。目前公司透過合資經營《京華時報》嘅廣告代理及報章銷售服務，擁有傳統媒體嘅經常性收益基礎，又與《人民日報》旗下公司成立合營發展手機電視業務，加上影視製作豐富了內容組合，兼營傳統及新興媒體嘅業務模式，具協同效益。

據收購新業務嘅交易條款推測，今年公司很大機會可實現盈利。計及近次配股（配售價0.55元）集資，以及剛獲北京銀行提供10億元人民幣授信額度，財政實力足以應付發展所需。該股昨日收報0.66元，去年末季以來股價保持反覆上揚，睇好其業務模式，可納入「刀仔鋸大樹」之列。

戰報

中國稀土（00769）

積奇在本月七日指中國稀土現水平可吸納，當日低位1.66元，昨日最高升至1.72元，微升3.6%。

華潤燃氣（01193）

阿莊本周二指華潤燃氣質優可取，股價最低曾跌至9.38元，昨日反彈至最高9.7元，股價升3.4%。