本文重點
iPhone4推出再次吸引全球目光，但唔講唔知，呢個被形容為「本世紀最重要通訊發明」之所以面世，是源於「蘋果教主」喬布斯同日本「科技財閥」軟庫（Softbank）孫正義嘅一次對話引起。
台下低調撐喬布斯
由三年前嘅iPhone到剛推出嘅iPhone4，孫正義多次低調赴美，於台下捧喬布斯場。
孫正義嘅軟庫，目前是iPhone在日本唯一嘅手機網絡合作夥伴。而上月3G iPad喺日本推出，喬布斯不惜破例批准軟庫以「鎖SIM」方式喺日本銷售iPad。
孫正義過往曾經透露，早喺○六年他決定收購Vodafone喺日本嘅手機業務之前（即現時嘅Softbank Mobile），佢曾經同喬布斯傾偈，話好希望見到iPod嘅多媒體播放功能結合到手機之中。喬布斯當時亦話自己亦正有此意。而雙方嘅呢個idea就孕育咗日後iPhone的誕生。到○七年喬布斯帶iPhone亮相時，孫正義更親自飛到美國於台下低調捧老友場。