唔夠一年 兩度紮職

講時講，Helen由香港調上去內地做滙豐中國副總裁呢個位都唔夠一年，咁快就坐正，真係厲害。不過亦係無乜出奇，太子記得喺再早之前已經有啲小道消息傳佢會坐翁富澤個位，只不過太子唔係好相信，諗住唔會咁快升完再升，現時再諗番呢個只不過係當年翁富澤升任滙豐中國業務掌舵人嘅翻版，喺○四年年中，翁富澤突然成為滙豐中國副總裁，跟着無幾耐，應該又係唔夠一年，就代替葉迪奇做咗滙豐中國業務總裁。

Helen坐呢個位亦係實至名歸，佢九二年加入滙豐，在大中華同亞太地區從事商業銀行同投資銀行業務超過二十五年，銀行業務經驗豐富。而翁富澤去向如何，就有待滙豐下一步嘅公布。