本文重點
被視為華爾街「親華派」嘅摩根士丹利亞洲區主席羅奇，○七年派駐香港，佢來港話咁快就滿三年，大摩尋日就公布佢會於七月一日回歸美國，到耶魯大學任教，不過唔代表佢同亞洲的「情緣」就此結束，事關大摩已邀請佢調任亞洲區的非執行主席，未來佢會維持每月都會到訪亞洲一次。
每月訪亞洲 繼續見客
羅奇早已被認定為華爾街的中國經濟分析權威之一，佢下月重回美國，主要係獲耶魯大學的管理學院及傑克遜全球事務學院聘任，仲會教授與中國經濟相關的課程，不過大摩亦同時話明，羅奇雖然會調任亞洲區的非執行主席，但佢未來仍然會繼續與亞洲及世界其他地區的客戶、政府機構及監管者接觸與會面。
太子相信今年六十四歲的羅奇，即使重返美國後，大家仍會有不少機會，分享到佢對亞洲與中國經濟的精闢見解。