搞到新地都要透過公關部發言人，搵太子傳媒老友幫手，不點名批評《壹週刊》老作，聲明如下：「對於六月二日有雜誌報道新地管理層變動的消息，新地發言人否認，認為有關內容並不正確，並重申新地董事局人事安排穩定，鄺肖卿女士將繼續出任主席，並無任何變動。」

管理層人事穩定

傳媒老友亦搵咗該報道矛頭直指嘅大哥郭炳湘，正離港公幹嘅郭炳湘亦好鬼勞氣，透過發言人澄清三點：首先郭炳湘完全無放棄過任何家族信託嘅權益、第二係三兄弟嘅新地權益同以前一樣、第三係報道所指嘅公司「銀彪」，同郭炳湘沒有任何關係。

事關嗰篇報道話，「銀彪」係郭炳湘同當時被指係郭氏紅顏知己嘅唐錦馨合作嘅一家公司，陳年舊事現在無故重提，真係佛都有火。