太子早前已講過滙豐中國董事長鄭海泉，請假兩個月，雖然佢之後就話「冇請兩個月大假」。係咪以其他形式請假，就不得而知。葛霖尋日話鄭海泉因為「暫時未能出差」，所以缺席股東大會。呢句說話真係可圈可點，有乜嘢情況下會令一個高層「暫時未能出差」，連股東會都唔到？總之就係令放假之說更為可信。股東大會咁重要都唔露面，鄭海泉六月恐怕都未必會出席上海新總部嘅開幕儀式喇。

尋日缺席股東會唔單止係鄭大班，原來約翰桑頓（即傳聞中嘅葛霖接班人），因為剛入院治療，遵醫生囑咐不宜遠行。