展現活力 棄舊商標

新網頁首頁當然係展示香港嘅海港靚景，最搶眼自然係龔如心嘅得意之作—如心廣場。網頁寫嘅「建樹未來」四個大字，係集團目標，「優質生活」、「熱心公益」、「超卓管理」及「完善配套」，係集團發展理念。

太子覺得個網頁設計比之前「年輕」及有「活力」。click入集團簡介一欄，清楚列明架構及從事嘅業務。

華懋一向都係從事物業投資相關嘅業務，好似物業發展、酒店業務及物業管理，原來有兩瓣業務已經打入咗成為五大業務範疇之內，包括金融投資及財富管理部門，同埋好少聽嘅華懋娛樂事業，可惜網頁內沒有進一步描述。除咗戲院之外，華懋仲會有乜嘢娛樂事業呢？