太子傳媒老友報料，尋日遠洋地產（03377）股東會開足兩個鐘頭，破晒紀錄，由朝早九點半開到十一點半。遠地嗰邊就話，公司特登一早開會，預多啲時間畀小股東問夠為止。
最關心內房減價戰
咁小股東究竟最關心啲咩呢？原來佢哋最想知道，有啲內房股嘅內地樓盤開始減價，遠地會唔會減埋一份。管理層好耐心咁逐一回答，小股東又非常踴躍發問，結果成個答問環節足足玩咗四十五分鐘。
小股東問嘅問題，其實同機構投資者或分析員嘅提問大同小異，非常專業。依家啲小股東出席股東會，係真心想同管理層溝通吓，了解多啲公司嘅運作。希望其他上市公司都效法遠地嘅做法，唔好淨係應酬基金股東，都畀多啲時間同小股東溝通啦。