港交所（00388）行政總裁李小加自今年一月中正式上任後，大家只知道佢一年底薪為720萬元，但就唔知佢仲有冇好似認股權或者股份等嘅獎賞。港交所尋日公布，會撥出9,260萬元用作購入港交所股份，以獎勵合資格僱員，其中900萬元將會獎予李小加。
按港交所昨日收市價125.9元計，900萬元大約可分得7.14萬股。
三年分批落袋
較為特別嘅係，該批股份嘅授予期，會由過往嘅五年改為三年，即係話，由以往每年可授予25%，改為每年可授予50%。
點解會有咁嘅安排呢？無非都係令到個獎勵計劃吸引啲，可以留住員工，唔使佢哋等到頸都長至攞到晒啲股份。
