美資大行高盛出咗報告嚴選世盃夢幻陣容，當今兩大「球王」美斯及C朗（基斯坦奴朗拿度）都入選，高盛仲搞咗個統計，話原來經濟環境與新興國家嘅足球水準大有關係。太子尋日拜讀咗高盛嘅《世界盃與經濟》（The World Cup and Economics）報告，佢哋喺意大利嘅一班外匯交易員就連同客戶投票選出夢幻陣容，熟悉面孔除咗美斯及C朗之外，仲有朗尼、卡卡。
經濟愈強 踢波愈勁
高盛經濟分析師Jim O’Neill發現除咗巴西外，新興國家經濟基礎愈好，足球排名就愈高，皆因國家經濟愈好，就愈能夠投資喺運動方面。但係點解要除咗巴西？阿Jim冇解釋，莫非巴西人愈窮就愈畀心機踢波？