自從「國際資本大鱷」索羅斯話佢嘅基金公司喺香港設點，市場一直關注佢嘅動向，日前深圳發展銀行發表咗一份首季報告，當中提到該行曾接待一個名為「索羅斯基金」嘅調研團隊，談論嘅內容主要係深發展營運情況及發展策略。太子未知呢個基金係咪真命天子，但消息即時引起市場人士猜測基金此行嘅動機。
「索羅斯基金」搵深發行
其實索羅斯已經唔係第一次投資A股市場，九五年曾經斥資2,500萬美元入股海南航空，但由於唔可以直接投資A股，就轉做戰略投資者。近期佢對A股重燃興趣，雖然索羅斯在香港設點，但醉翁之意係內地。
平保購併深發展嘅交易到尾聲，莫非索羅斯真正有興趣嘅係平保A股？不過，今次呢隻「索羅斯基金」係咪等於索羅斯旗下「量子基金」，仍然係一個問號。