本文重點
正確嘅理財觀念應該從小學習，所以會計師公會（CPA）亦向小朋友打主意，出咗一本益智嘅英文圖書，向小朋友講解全球金融危機成因。呢本書嘅主人翁May Moon，中文譯名係「美滿」，呢位小妹妹仲帶領其他小朋友一齊合作，搵到解決經濟困境之道呢！
教導正確理財觀念
其實今次係會計師公會「窮小子、富小子」理財教育計劃一部分，繼○五年出版咗《美滿的CPA秘笈》及《財智兒童養育法》後，佢哋再出版新書《May Moon Rescues the World Economy》，主人翁嘅理財技巧「升呢」，由打理自己零用錢及儲錢，升級至與其他小朋友一齊教番大人轉頭，例如購物及投資之道。
作者Nury Vittachi好感慨咁話，就算係大人都難以正確理財，更可況係小朋友，因為學校都唔會教呢個題材，所以就決定以寫書嚟幫助小朋友建立正確理財觀念。