半新股譚木匠（00837）出上市後首份成績，截至去年底賺4,592萬元（人民幣．下同），勁升77.5%，半新股中其派息政策也算慷慨，每股賺24分，派末期息10.45港仙，派息比率接近四成。
譚木匠去年尾以每股2.58元招股上市，昨日受業績刺激，股價升0.26元，收報3.75元，比招股價升四成五。睇番去年十二月上市一堆新股中，僅次於中國玉米油（01006）及中國森林（00930），表現十分唔錯。譚木匠業務乃係以本身品牌產銷木製工藝品，包括木梳子、鏡子及禮盒等，唔好睇小好似細眉細眼嘅生意仔，譚木匠主攻高檔消費層，上市後計劃係擴大消費網絡及以本身品牌知名度，擴大產品到木製家具系列。
以內需股來說，十四倍歷史PE的譚木匠一啲都唔貴，股價在3.1至3.4元間橫行一段時間，成交配合，業績又優於預期，中短線有機會挑戰掛牌第二日做出嘅4.85元高位。
譚木匠（00837）目標價：4.85元 止蝕價：3.40元