19/04/2010

播放本新聞相關短片
查詢股票編號

短炒倉:中鎳偷步炒業績

美國證監會指控高盛涉嫌欺詐,歐美股市顯著下跌。志強懷疑亞洲呢邊早有春江鴨,否則亞太區股市又點會識得跌定先?港股受美股拖累,預期今日大仆直,恒指支持21,500點在ADR已失守,好彩志強揸股仔,所受影響較細,但今日都會考慮要唔要止蝕。

雖然上周五在美國時段金股商品乜都跌,但志強相信金價今年仍然行情看漲,金屬股仍值得睇高一線。中國鎳資源(02889)將於下周二公布業績,上周五逆市靠穩,微升1.2%,估計業績可報佳音。今年以來,在其他主要金屬平均只升1%之際,鎳價卻勁升17%,有助中鎳回復強勁盈利能力,一○年度業績可望扭虧為盈。

新收購項目成動力

就算其盈利表現未能在一時三刻回勇,但睇番其每股NAV高達2.18元,市帳率只有0.74倍,係PB最平金屬股,單係呢一點已夠晒吸引力。至於中鎳去年九月收購的連雲港項目,將會是未來業績的一股強大動力。此外,新廠房將於今年六月落成後,估計首期每年產能達100萬噸鐵鎳產品,含鎳量約3.2萬噸,以收購時的鎳價推算,連雲港項目每年收益達41.6億元人民幣,係中鎳○九年上半年營業額5.07億元人民幣八倍,只要呢個項目一入帳,中鎳盈利可以三級跳。

志強