本文重點
港交所（00388）前行政總裁周文耀，剛於今年一月中退休，三個月後又有新動向，尋日佢被委任為數碼港管理公司非官方董事，任期三年。數碼港管理公司屬政府全資擁有，並由香港數碼港管理公司管理，主力負責發展同營運數碼港計劃。
獲委任非官方董事
由於周文耀以前係交易所行政總裁，交易所係本港上市公司嘅前線監管機構，今次佢退休三個月後加入非上市公司做董事，外界應該不會有甚麼噪音。
其實周文耀今次算係回歸數碼港管理公司，因為佢喺○三至○七年期間已擔任數碼港管理公司董事。眾所周知，佢喺財務管理同資訊科技有豐富經驗，出任數碼港董事實在非常適合。
除咗數碼港管理公司外，周文耀曾經講過退休後會出任一啲慈善團體或專業組織嘅公職，據了解，佢除咗有為母校香港大學幫忙外，亦為國際培幼會（PLAN）做慈善工作。