當年逼人民幣升值嘅，唔少得前美國總統布殊為首，同埋前財長斯諾，佢哋去咗中國出席論壇。至於由布殊主政，以至由奧巴馬年代，都站在台前「叫陣」嘅紐約州參議員舒默（Charles Schumer），繼續穩守美國，日日叫人民幣升值。

保爾森蓋特納風塵僕僕

斯諾依家對中國和善咗好多，佢嘅繼任人保爾森，更加出咗名係中國嘅好朋友，佢一去到中國，就接受央視訪問，大力提倡彈性匯率對中國的好處，之後則前往海南出席論壇。保爾森嘅繼任人，即係現任財長蓋特納，本周突然旋風式訪問香港及中國，成功將全世界目光聚焦。

假若說美國這批前朝官員到訪中國，與蓋特納訪華只是時間上面嘅巧合，則這種巧合絕對好罕見。姑勿論巧合與否，重要人物齊集一個地方，新聞火花就好睇好多。