本文重點
農業銀行可能係今年最大集資額嘅IPO，據最新情報，農行嘅集資額高達300億美元，以3%承銷費計，即係有9億美元，21間中外投行尋日開始各自表述。但據悉每間行只有十五分鐘，真係要講急口令先得！
中外21家投行競逐
呢場喺北京進行嘅選秀Show，包括高盛、大摩、中金、中信在內嘅21家投行參加，有人形容呢次係難得嘅「盛宴」。
據講，經過兩輪篩選後，農行預計兩天內確定承銷商名單。一直為農行重組、改制做財務顧問嘅中信和中金，或成為農行上市嘅兩家保薦機構。中信和中金幾乎參與過所有內銀股嘅上市項目；而中金僅錯過中行嘅IPO。
外資投行就有高盛、大摩、摩通、瑞銀、瑞信、德意志銀行、麥格理、野村證券等都力爭農行H股IPO。