剛於三月底離職嘅港交所（00388）前財務總監詹德慈，將會過檔中信嘉華銀行做財務及企業策劃總監。據聞呢個位係中信嘉華銀行新開設嘅，詹德慈除咗掌管中信嘉銀嘅財務外，同時亦會協助帶領中信嘉銀發展成為母行中信銀行（00998）海外拓展嘅重要平台。
詹德慈離開港交所，大家最關心佢持有嘅認股權。詹德慈於○五年一月獲授共16.4萬股認股權，每股行使價19.25元，由○七年可以開始行使，到二○一○年就可全部行使晒。
截至去年底，詹德慈仍持有12.3萬股認股權。按港交所昨日收市價137元計，16.4萬股認股權，每股行使價19.25元，帳面盈利都有1,931萬元。