08/04/2010

播放本新聞相關短片

速龍折將季後賽路難行

速龍季後賽路崎嶇!佢哋尋日遭受連環打擊,作客輸畀騎士,主將保殊仲爆缸離場,唔知幾時可以復出,「東岸八哥」一位仍然同公牛爭崩頭!

爭入季後賽嘅速龍,主將保殊同騎士占美臣爭位嗰陣,唔小心畀對方嘅㬹頭鋤落塊面度,鼻同口即時流血,之後被送去診所。及後速龍再有小前鋒安東尼胡禮拗柴,最終騎士憑勒邦占士取得19分以113:101擊敗速龍。

雖然公牛同日主場以74:79不敵公鹿,不過速龍依家只係領先公牛1場勝仗,最慘仲證實保殊右邊面嘅顎骨同鼻骨都出現骨折,速龍之後再有乜差池,隨時緣盡季後賽。另外,騎士教練米克布朗透露球隊已攞硬常規賽冠軍,嚟緊幾場比賽會畀班主力休息,聽日作客讓唔起公牛2.5分,冷吼下盤!

勒邦芝士