金融海嘯對渣打嘅影響相對較其他金融機構為小，可能同戴維思在任時嘅營商理念有關，處理逆境能力，佢絕對有資格批評其他銀行。佢倡議銀行金融機構需要改革，坦言銀行管理層高薪厚酬與其給予股東嘅回報並不相稱；還說董事局應加入更多女性以提升動力；企業亦應在年報內解釋為何不能增加董事局嘅代表性。

藉新工業振英經濟

美國及歐洲政府喺金融海嘯後做咗好多限制金融從業員嘅工夫，戴維思認為英國要走出衰退，政府必須主動干預商業，單靠「企業高層向股東負責」呢個口號並唔足夠，當局應借助今次機會發展新工業新技術，由海外引入人才加入政府及企業，英國要走高科技出口道路，而非借助低息環境下嘅內需市場來走出經濟谷底。