本文重點
滙豐銀行昨日公布經濟研究部人事變動,其中一位係廣受傳媒歡迎嘅屈宏斌,因為佢成日有問必答;另外一位則廣受女性傳媒同業注意嘅范力民(Frederic Neumann)。兩人都升做常務總監兼經濟研究亞太區聯席主管,後面個職銜梗係為佢哋而新設。
配合東移 區內駐重兵
從今屈宏斌就會繼續佢嘅強項,主管大中華地區嘅經濟研究,而范力民就主管其他亞太地區嘅經濟研究。此舉更加反映滙豐銀行幾咁重視亞洲區,亦配合集團西向東移嘅策略。
大家對屈宏斌一啲都唔陌生,范力民則尚未熟識,等太子介紹吓佢畀大家認識,范力民喺○五年加入滙豐銀行,係一位研究亞洲嘅資深經濟師,之前有多年嘅教學經驗,曾經喺不同大學教授經濟。太子仲聽聞佢十分勤力,年輕有為,據講仍然單身。
最後就係張之明,佢被委任為滙豐環球研究中國研究部主管。