太子介紹過，中電今次派出年輕工程師參與「極酷行動」，重點就是要修復「2041」南極基地嘅可再生能源發電設備，並加裝太陽能板，而經過接近二十日嘅旅程，五位工程師已經順利回港。

維修缺保險絲 鋁紙頂替

沈文匯話，今次行動最大嘅挑戰，除咗接受天氣考驗外，更難搞係物資供應受限，即使簡單到好似更換保險絲，因為未有後備配件，就不能以簡單嘅「新換舊方式」解決，好彩最後就有團員諗到用頭痛藥嘅鋁質包裝紙，作為臨時替代品，成功解決問題。

不過，太子就要提醒大家，如果閣下家中電力設備嘅保險絲發生問題，千祈唔好有樣學樣！

今次極酷行動，沈文匯話最大體驗係親身感受到地球暖化對環境帶來嘅破壞，就好似可愛嘅企鵝，由於氣候變得不正常，使牠們嘅羽毛無法正常脫落，甚至影響其生命，所以大家必須要珍惜資源保護環境，以免地球再受傷害。