內房股經一輪調整過後，近日普遍反彈，部分更成功重返調整前水平，當中走勢較落後的深圳控股（00604），值得留意。集團身為深圳市窗口公司，本身又專營房地產業務，隨着國務院去年批准深圳市一系列的改革方案，深控長線值得睇好。集團將於下周四公布業績，所以今、明兩日將會係最後上車機會，可逢低跟進。
深控股價早前於2.7元水平見支持，昨日在成交配合下，升1.78%，收報2.85元，已成功收復10日線，而20日線亦已升穿100日線水平，配合內房股回勇，短期料續有炒作。
盤路上，在過去五個交易日，集團已見唔少大行現身買盤支持，好似巴克萊、法巴及高盛亞洲等，現身買盤次數由118至177次不等。此外，花旗及極訊亞太亦見積極買貨，期內現身買盤分別達52次及31次。昨日，深控股價升勢進一步得到確認，亦惹來法巴、花旗及德意志等買盤跟進。