本文重點
滙控（00005）去年世紀大供股，累到股價跌至33元嘅低位，適逢嗰段期間大笨象推出每年一度嘅員工股份儲蓄計劃，太子相信嗰時大笨象員工應該都好開心，因為可以用37個幾嘅優先認股價參加股份儲蓄計劃，大家可能拚命揼錢落去「煲」呢個計劃。
股份儲蓄計劃有設限
事隔一年，大笨象又向同事宣布推出呢個儲蓄計劃，同時公布埋今次計劃嘅優先認股價係62.977元，見過去年世紀價後，即使呢個價都叫便宜，但大笨象員工都唔覺得有驚喜。
大笨象嘅股份儲蓄計劃係有限制嘅，員工每個月最多只可供250英鎊，即係未夠3,000港元，供一年、三年、五年，quota都好有限，假如有quota剩，不妨考慮吓今年個計劃。
據知，去年大笨象有9.2萬個同事參加咗一個或以上嘅股份儲蓄計劃，但係大笨象全球員工有30萬人咁多，點解只得大約三成人參加呢？比例低咗啲喎！